ملامح صبح

العايضي..شاعر جميل

يكتبها – محمد بن مدعث

عندما تقرأ لناصر العايضي .. انت على موعد مع موهبة شعرية ، مختلفة.العايضي نموذج للشعر الجميل بمعناه وصورته متزنة الالوان رقيقة الاطار ذبة التفاصيل ..بعيداً عن ضجيج الاعلام والصحف حتى بعيداً عن محيط الشعر نفسه.. يكتب في محيطه الخاص..

كل عام وانت بخير جتني من الغير
والا انت يكفي قولتك:كيف حالك

دامك بخير اكيد انا حالي بخير
الا اذا عني قطعت اتصالك

ياللي على شوفتك اسوق التباشير
واسعد ليال العمر ليلة وصالك

ماني بقايل هالجفى منك تقصير
قلبي بغيباتك تعذر بدالك

لو عن غيابك ماتفيد المعاذير
لكن قبلت العذر جعلي فدالك

وادري لو تعرف في بعدك وش يصير
ماطاوعك قلبك ولا ارتاح بالك

اعرفك طيب قلب بس المقادير
نحتك عني وتركتلي خيالك

ارتاح لاتشغلك كثر التفاكير
وخذ ماتبي ماعندك الا حلالك

وكل عام وانت بخير واحبابك بخير
اقولها ياغلى البشر لك لحالك

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

الرجاء ادخال الاجابة الصحيحة *