دنياك
(دنياك) متغيـرة .. مع كل دورة فلك
والوقت يومين يومٍ لك ويومٍ عليك
لاتامن اللي مدحك بشي ماهوب لك
لاضاق بكره رماك بشي ماهوب فيك
عبدالله الطلحي
ياكثرهم
(ياكثرهم).. لا قلت لك .. عرفة وجيه
وياقلهم .. لا قلت .. قـدر ومعـزه
رجلٍ .. تعزه بعد ماتلتقـي .. فيـه
ورجلٍ .. قبل ماتلتقي بـه .. تعـزه
ورجلٍ .. ترزه بالمجالـس مباديـه
ورجلٍ .. فلوسه بالمجالـس تـرزه
ورجلٍ .. يموت ولا يجيبون طاريـه
ورجل ٍ .. يجي طاريه في كل حزه
خلف المشعان
